Un amico pro le vita

Le gente de Tjörn es multo conscie del possibilitates phantastic que le mar offere e es similemente conscie del besonio de proteger lo contra pollution e superfertilisation. Isto es un ration proque certe areas costal e multo del mar que circumfere Tjörn ha essite includite in le rete ecologic “Natura 2000".
 
Breviks kile, Härön, Pater Noster archipelago, Stigfjorden, Toftenäs e Säby kile es omnes classificate como areas de conversation preciose secundo un directiva del Union Europaa.

Le mar como un loco de labor

Tjörn es un del municipalitates le plus prominente pro imbarcamento e production de pisces in Svedia. Naves de pisca labora con technologia moderne pro piscar. Le major companias international de transporto, portos e cantieres naval in total emplea quasi 1 200 personas. Skärhamn es le tertie plus grande porto de Svedia pro le flotta commercial. E Vallhamn es le tertie plus grande porto de mar profunde in le pais, providente inter altere cosas traffico transoceanic.

Le mar como corte de recreation

Le mar non solmente provide labor ma anque tempore libere pro e locales e visitatores. Il ha multe locos pro barcas e novem portos pro visitatores sur le insula, sex del quales es possedite per le municipio e gerite per associationes. Le majoritate del portos pro visitatores possede le distinction international ambiental, le Bandiera Blau, que confirma le bon qualitate del aqua, securitate, servicio e informationes ambiental. Multitudes de belle portos natural preter le costa attende tu ancora.

Il ha nulle manco de locos pro baniar, ab isolate areas roccose e baias a illos plus apte pro infantes e adaptate pro personas handicapate. Le estate sur Tjörn es marcate per baniar, sol e scuma salate. Skagen in Danmark deveniva famose pro su lumine special, nos lo ha anque ci.